తనివితీరా నను పిలచేనా
పిలువని పిలుపు కై ఎద పఱచి ఎదురు చూసాపలుకని పలుకుకై పలువరించి పరుగు తీసా
గుండెను గుడి గా చేసి ఓ బాలా ప్రతిష్ఠ చేసా
ఉపవసిస్తూ ఉపాసిస్తూ ఉపచారాలు చేసా
ఆ బాల తలపుల తలుపులు తెఱచి చూసేనా
నీడలో నీడగా బ్రతుకులో తోడుగా రాగలిగేనా
అడుగులో అడుగై పలుకులో పలుకై సాగేనా
అవ్యక్త మనోరథం ముక్తసరి సంభాషణం
కనుసన్నల చిరునవ్వుల సమాధానం
ఇదేనా ఈలాగునేనా నా మనోకలిత లలిత
నన్ను అనుగ్రహించేది పరిగ్రహించేది?
మనసు విప్పి గుండె లోతుల లోంచి
ఏనాటికైనా తనివితీరా నను పిలిచేనా?