వినవే  దుర్ధర దుర్విధీ వెతల కావాసంబుగా జేసి జీ
వన వైవిధ్యమదంత కావరిల సేవా తత్పరంబై చనన్
ఘనకీర్తుల్ భుజ కీర్తు లేమియును కల్గంలేదులే దిసీ
మనసా నీకిది న్యాయమా వగచుటే మాకింక సంప్రాప్తమా.

మనసై సాకిన మల్లెతీగ ఇపుడేమో వింతగా తేటికై
ఘన పుష్పంబులు పూయుచున్ వరలుచున్ కుందించుచున్ చూడ నా
మనసెట్లోర్చు నదంతయున్ కనలనే  మూర్ఖుండ  నేనంచు నో
మనసా నీకిది న్యాయమా  వగచుటే నాకింక  సంప్రాప్తమా.

అనువై నాకొక చూలియై తనరు నంచాశా పాశ బంధంబుతో
నను నేనొక్క వివేచనారహిత న్యూనాతీత భావాంబుధిన్
మునుగన్ జూచి బుడుంగు మంటితి గదా ముమ్మాటికిన్ ఇంతకున్
మనసా నీకిది న్యాయమా వగచుటే నాకింక సంప్రాప్తమా.