సీ.మనసుంచి తనువొంచి శిరసొంచి మ్రొక్కనే
సాష్టాంగ ములు నేల స్పృశియింప
ఆరార నోరార నూరూర పాడనే
పొగడనే జపియింప బోనె నిన్ను
సవన తంత్రములోన షోడశీ యంత్రాన
మంత్ర జప తపాది మార్గ మందు
ఉపవసించి ఉపాసించి తపించి తలపించి
పరవసించి పరితపించి మించి
తే.గీ. పరమ పథమున పయనించు బాటసారి
నగుచు నగుచు నీ నగుమోము గనుచు
షోడశీ రూప మునకే ఉషోదయమున
కొలచి కడదేరి పోదు నో గౌరి తనిసి.
0 Comments:
Post a Comment
Subscribe to Post Comments [Atom]
<< Home