పరమావధి
నీ మౌనం
నా మనసును తోలిచేసే పెను గాయం
నా గుండెలు పిండేసే అయోమయం
నా ఆశలను ఆవిరి ఛేసే లావా దావానలం
నా ఊహలకు ఉరివేసే ఉరి కంబం
గలగల పారే గంగకు భగీరథ అనుగమనం
అయిష్టమా అప్రస్తుతమా అనుత్తమమా
భగీరథ ప్రయాస లేకుంటే పతిత పావని
కాగలిగేదా నిత్య హారతు లందు కోగలోగేదా
వల్ల మాలిన చోట పురివిప్పి నర్తించే నెమలి నీవు
అన్నులమిన్న కావలసిన చోట అనుక్ణణ నిర్లక్ష్యం నీది
మస్తకన్యస్త శనిగ్రహ ప్రభావమా? నాకో పరాభవమా?
నీ గమనం
నిసర్గానంద సందోహ బంధురం కావాలనీ
నీ లక్ష్యం
సమున్నత సమారోహ నిశ్శ్రేణీ నైపుణి కావాలనీ
నీ కోసం
పరితపించే, పరిశ్రమించే పరిభ్రమించే
స్వాప్నికుడను సాధకుడను సాహసికుడను
యుక్తాయుక్త వివేకం పరమేశ్వరుడు నీకు ప్రసాదించు గాక.
0 Comments:
Post a Comment
Subscribe to Post Comments [Atom]
<< Home