లక్ష్యం

నిండు నూరేళ్ళూ బ్రతుకాలని ఆశించుదాం
బ్రతికినన్నాళ్ళూ ఉన్నంతలో కొంత పంచుదాం
పరోపకారం మన ప్రవృత్తిగా మలచుకుందాం
మంచిని పెంచుకుందాం పంచుకుందాం
ఈశావాస్య మిదగం సర్వం అనే నమ్మికతో
కర్మణ్యేవాధికారస్తే అని కర్మల నాచరిద్దాం
నాతి చరామి మన మౌలిక నియమంగా
సంపదని సృష్టించుతూ పంచి ఇద్దాం
మన సహాయ సహకారంతో కొందరైనా
తమ జీవితాలను ఉన్నత స్థాయికి
చేర్చు కోవాలి ఆ పద్ధతి నేర్చుకోవాలి
అదే మన జీవన గమనం కావాలి
ఈ లక్ష్య సాధనలో ' నేను సైతం 'గా కదలాలి
నా దేశం అగ్రగామిగా నిలవాలి
మన దేశం ఎందరికో మార్గదర్శి కావాలి