- సగటు మనిషి
ఎడారిలోగుడారమై బిడారమై
నిరాశలో
వికారినై బికారినై
నిశీధిలో
ఒంటరినై తుంటరినై
సంసార సాగరాన్ని
ఈదలేక వీడలేక
సాయుజ్య మార్గాన
సాగలేక ఆగలేక
ఎటూ పాలుపోక
ఎదీ వీలుకాక
వెన్నల మంటలలో
కన్నుల పంటలుగా
అలసి నేనున్నా
కలసి రావన్నా.
ఏకాంతంలో
సన్యాసినై బైరాగినై
ప్రశాంతంలో
సంసారినై సామాన్యుడై
జనాంతికంలో
యోగినై నియోగినై
ఈ జన సామాన్యంలో
బ్రతుక లేక వెతుక లేక
ప్రకృతి ఒడిలో
నిలువలేక మిగులలేక
నింగి వరకూ ఎగుర లేక
నేల పైనే ఉండ లేక
అంతరిక్షమే అంతరంగమై
అవనీ తలమే మూలాధారమై
సాలోచనగా
సావధానంగా
పరికిస్తూ పరిశీలిస్తూ
కాలం గడిపే
కలలు కనే
సగటు మనిషిని నేను.
0 Comments:
Post a Comment
Subscribe to Post Comments [Atom]
<< Home