భ్రమర విలసనము

సీ. తీయ తేనెల  పూవు నెత్తావి త్రావి మ
                త్తెక్కి నెత్తెక్కి తై తక్కలాడు
     ఆరుగాలమెగరేటి తిరిగేటి మిసిమి
                మైచాయ కసుగంద మై మరచునొ
     భ్రమర నాదము కన్న ప్రణవ నాదము మిన్న
                 ద్వి చతుష్పదు లెన్న  తేటి మిన్న
       బ్రహ్మ విద్య వినా చదువు లందు భ్రామరీ
                  విద్య మిన్న యనండ్రు విజ్ఞు లెల్ల
తే.గీ. భ్రమర గీత ఆ గోపికా ప్రేమ గీత
         భ్రమర నాదము నెడద సంభ్రమము గొలుపు
         భ్రామరీ విద్య తొలగించు భ్రమల నెల్ల
         భ్రమరమే మార్గ దర్శి శుభ్ర గుణ వతుల.