వేదాలు వల్లించినా
ఉపనిషత్సుధ ఔపోసన పట్టినా
ఇతిహాసాలు మది విరబూసినా
అరిషడ్వర్గాలపై విజయం లేనిదే
ఆ చదువు నిరర్థకంబు
గమనించే వారుంటే
గజమైనా గర్జించాలా
ఈసడింపులూ అవహేళనలూ
బ్రహ్మ విద్యాధ్యాపనా నిర్దేశితాలా?
గ్రంథ చౌర్యాలూ వషట్కారాలూ
పాండితీ ప్రతీకలా
అధ్యాపన అధ్యయనాలలో
అనువు కన్న చనువే మిన్న
చీదరించ బడ్డ వాడే
అంతే వాసిగా దక్కితే
ధృతరాష్టృడు అవసాన దశలో
భీముని కొంపలో తల దాచు కన్నట్లే
అందుకే
ఆదరంగా పిలచి
ఆనందంగా వివరించి
వంటబట్టేలా చేయడం మేలు