అధరాధర క్షతం

జీవమున్న ప్రతి ప్రాణికి కష్టాలొస్తాయి. పంటితో క్రింద పెదవిని నొక్కి పట్టి
ఊపిరి బిగబట్టి నిదానంగా ఆలోచించితే గుండె నిబ్బరం వస్తుంది.
కంట నీరు కంటే పంటి గాటే కావలసిన తెగువ బిగువు ఇస్తుంది.
స్పందన మనసుకు సహజ గుణం. కష్టాలొస్తే కంట నీరు దాని నైజం.
ఆవేశంలో ఆలోచన రాదు
మౌనం భగవంతుడు నీ కిచ్చిన వరం
ఆ మౌనం నీకో వజ్రాయుధం
ప్రతీ పరాజయాన్ని విశ్లేషించి
పొరపాట్లను ఉదాసీనతలు గ్రహించి
మలి ప్రయత్నంలో గెలవాలి
ప్రతి ఓటమితో రాటుదేలి పోవాలి
సరి కొత్త అవకాశాలు వెతకాలి
అడ్డంకులూ అవరోధాలు
సరికొత్త మార్గాలను వెదికే అవకాశాలు
క్రింద పెదవిపై గాటు
నాలో కసి రగిలించే ఉష్ణ వాహకం
అందుకే అరవలేను ఆలోచిస్తా గాని