ఒంటరితనాన్ని వెంటాడుతున్నాయి

మరలా మరలా తీపి జ్ఞాపకాలు

ఎంత కాదన్నా ఎంత వద్దన్నా

కథ మొదటికీ సకల కలలూ చివరికి

కాలం కన్నా మంచి ఓషధీ

ఈ బాధ నుంచి తప్పించేది 

కనుచూపు మేరలో కనిపించడం లేదు

ఎంతో ప్రాణంగా పెంచిన కూతురు

ఎరువు సొమ్ము ఐ పోయింది

వారిద్దరూ అన్యోన్యంగా ఆనందంగా

ఉంటే అంటీ ముట్టనట్టు 

దూరదూరాల నుంచి సంబర పడ వచ్చు

పది రోజులైనా మనసు స్తబ్దత

ఏదో నిర్లిప్తత అనాలోచిత నిశ్శబ్దం

ఇకపై నూతన జీవన విధానం

పోగు చేసుకుని మనసు దిటవు చేసుకుని

సాగాలి ముందుకు ముందు చూపుతో

జగన్మాత కావలసిన మనో నిబ్బరం

కార్య దక్షతా స్థిర సంకల్పం ఆరోగ్యం

ప్రసాదించు గాక.