ప్రాప్తమున్న తీరానికి పడవ చేరిపోతుంది
ప్రతి ఉదయం భాను ప్రతాపంప్రతి సాయంత్రం వరుణ రసార్ద్ర వృష్టి
ఒక ఉదయం ఆహ్లాద భరిత రసస్ఫూర్తి
మరో ఉదయం ఆందోళనాజనిత ఊహావ్యాప్తి
కాలగమనంలో అసదృశ ఆరోహణావరోహణలు
కర్తవ్య నిరతిలో ఎన్నెన్నో ఉథ్థాన పతనాలు
లక్ష్య సాధనలో అనేకానేక అవరోధాలు
అపోహల సాలెగూళ్ళు అభియోగాల సందళ్ళు
కిమ్మన కుండా నమ్మిన నిజం కోసం
నమ్ముకున్న జనం కోసం నమ్మక పోయినవారితో
సాగుతూంది పయనం కొనసాగుతూంది గమనం
ప్రాప్తమున్న తీరానికి పడవ చేరి పోతుంది
ఆర్ద్ర మైన గుండెల్లో మనికి చోటు ఉంటుంది
మరో శుభఘడియలో ఓ నవోదయం వికసిస్తుంది
చెదపురుగులూ చీడపురుగులూ రాలి పోతాయి
చిరు ఎడదల చిరునగవులు పలుకరిస్తాయి
చిన్నారులతో స్నేహాలు మనోబలిమి నిస్తాయి.
0 Comments:
Post a Comment
Subscribe to Post Comments [Atom]
<< Home