పంచ భూతములు కాదంటే
పుడమి తల్లి కసరింది
నింగి వంగి రానంది
నిప్పు తప్పు నీదంది
గాలి మాట వినకుంది
నీరు కళ్ళు తడిపింది
పంచ భూతములు కాదంటే
పాంచభౌతికమైన మేను ఏమౌతుంది?
పంట పొలాలలో పచ్చని చేలలో
ఆడుతు పాడుతు తిరగాలి
పైరగాలితో తువ్వాయి కూనతో
సువ్వాయి తిరుగుడు తిరగాలి
ఆరు బయట వెన్నలలో
అంతరిక్ష అందాలను చూడాలి
సంక్రాంతికి చలిమంటలు కాయాలి
జలపాతంలో స్నానం చేయాలి
ప్రకృతితో విడివడని బంధమై
మనసు పరవశించి పోవాలి.
ఉదయారుణ ఇన బింబం
పడమటి సంధ్యారాగం
ఎంత చూచినా తనివి తీరని వైనం
ఆకుపచ్చని చీరలో తూనీగల బుటాలతో
వసుంధర రూపం ముగ్ధ మనోహరం
ప్రకృతి కాంత ఆత్మీయ అనురాగం
సెలయేటి నీటి గలగలలు
చిరుగాలి కిలకిలలు
వెన్నెల వెలుగులో
అందమైన వినీల ఆకాసం
పలుకుతాయి నాకోసం స్వాగతం
ఓ నిమిషం నెమరేసుకో గతం
అంటూ మందలిస్తాయి ముందుకొస్తాయి.
0 Comments:
Post a Comment
Subscribe to Post Comments [Atom]
<< Home