ఏ వంచన చేసేనో

తాడే పామై కరిస్తే
నీడే దెయ్యమై వెంబడిస్తే
దాన్ని సర్ప రజ్జు భ్రాంతి అనుకోవాలా
ఖర్మ కాలి మట్టిలో కలిసిందనుకోవాలా
వాడే వాడై(వాడ అయి)కూస్తే
వీడే వీడై (వీడు=సమూహము) అరిస్తే
దాన్ని ప్రారబ్ద మనుకోవాలా
దొమ్మర దేశం అనుకోవాలా?
'నాతి పండితః నాతి పండితః'
నేనే సర్వజ్ఞుడ నంటే
ఇంగితం లేని ఎంగిలి మెతుకను కోవాలా
సంగతే తెలియని చచ్చు దద్దమ్మనుకోవాలా
కంచరగాడిద కంచె గాడి పంచ పీకితే
ఏ పంచన చేరేనో
 ఏ వంచన చేసేనో
ముదనష్టపు పీనుగ పీడ వదిలేనా
భువి కిష్టపు కిష్టుడు మము బ్రోచేనా ?