ఆమె
నా కోసం పరితపిస్తుంది
నన్నేమో పరిహసిస్తుంది
చిరునవ్వు తో పలుకరిస్తుంది
చిరుబురు మంటూ పరుగు తీస్తుంది
నా కోసం ఎదురుచూస్తుంది
ఎదురు పడితే మోహం చాటేస్తుంది
బ్రతిమ లాడించు కోవడం ఓ సరదా
ప్రతిమలా ముంగిలా ఉంటుంది సదా
తన కోసం వెంపర్లాడాలనీ
కాలుగాలిన పిల్లిలా తిరగాలనీ
ఆశ పడుతుంది ఆరాట పడుతుంది
నచ్చితే అచ్చట్లు ముచ్చట్లు
అంతలోనే అలుకలూ మూతి విరుపులు
నా తోటలో విరబూసిన గులాబీ
నా పాటలో అరవిరిసిన సారసి
నా ఎద దోచిన దివిజ గంగా భవాని
తలపు తలపులో పరిభ్రమించే జాహ్నవి
'శివోహం' అనటమే కాని
నా జటాజూటమున బంధించ గలనా
నా వాజ్గ్మనో కర్మలచే నిర్దేశించ గలనా?
0 Comments:
Post a Comment
Subscribe to Post Comments [Atom]
<< Home