తుహిన నిర్ఘరిని

గుండె సడి విన్నావా కంట తడి పెడతావు
మనసు రొద కన్నావా ఎద పరచి నిలచేవు
నా శ్వాస లో గాలివై చల్లగా ఎదలోకి వస్తావు
ఒక వేడి నిట్టూర్పుగా నన్నొదలి వెళతావు //   //
కలలోకి వస్తావు నా కనులెదుట కదిలేవు
కనులు తెరిచితే కనుచూపు మేరలో కనరావు
ఎందుకో నా మనసు దోచేవు నన్నొదలి పోలేవు
నీ మనసులో ఏముందొ నీ తలపు ఎటులుందొ //   //
ఆకతాయి మనసు అల్లాడి పోతూంది
వేపకాయంత వెఱ్ఱి ముదిరి పోయింది
ఆగిడీ పనులు నే చేయలేను
వెంటపడి నే తిరు గాడలేను
ఊరించకో నేస్తమా ఊహించుకో మిత్రమా//   //
ప్రకృతీ నీ చేరువలో పరవసించి పోతా
మానసీ నీ చేతలతో పులకించి పోతా
కరడుగట్టిన గుబురు చెలువము నీది
కరిగి పోయే తుహిన నిర్ఘరిని నేను
నీ అనునిత్య దర్శనమే నాకు చాలు//   //