తెలియని దొకటే
గెలిచే వఱకూ తెలియదునాలో కసి ఎంతో వుందని
ఓడే వఱకూ తెలియదు
నాలో లోపం ఏదో ఉందని
వలచే వఱకూ తెలియదు
నాలో మగసిరి కూడా ఉందని
వగచే వఱకూ తెలియదు
నాలో వేదన ఎంతో ఉందని
చదివే వఱకూ తెలియదు
నాకూ అంతో ఇంతో వచ్చని
గొలికే వఱకూ తెలియదు
నాకూ మాటల కూర్పులు వచ్చని
నడిచే వఱకూ తెలియదు
గమ్యం ఎంతో దూరం ఉందని
కొలిచే వఱకూ తెలియదు
నాకో దైవం తోడై ఉందని
పిలిచే వఱకూ తెలియదు
నా పేరుకు విలువేదో ఉందని
పలికే వఱకూ తెలియదు
నాకై చూసే మనసే ఉందనీ
తెలియని దొకటే మనకు
దైవం పిలుపు ఎపుడని.
0 Comments:
Post a Comment
Subscribe to Post Comments [Atom]
<< Home