నాకేటి వెఱపు
తే.గీ.మనసు మెచ్చిన పనిలోన మన గలుగుచు
పిల్ల పాపల కన్ని విన్పించ దలతు
నేరుపులు నేర్ప జూతు నా నేర్చి నంత
ఎవ్వరేమనుకున్న నాకేటి వెఱపు.
కన్ను కుట్టి కొంద రు ఏడ్చు కొందు రేమొ
కన్ను మిన్ను గానక తిట్టు కొందురేమొ
కలసి శ్రమియింప వలదటే కలసి మెలసి
ఎవ్వరేమను కున్న నా కేటి వెఱపు.
కన్న కలల సాధింపరే కరము గలిపి
కన్నులార జూచిన వారు కరగి పోవ
కుటిల బుద్ధులార తమరు కుత్సితులన
ఎవ్వరేమన్న నా కేటి వెఱపు.
గజ గమనము నాది సంకుచిత తలపు
పూర్వ పరము లెరుగనట్టి బుద్ధి మీది
కలసి నడువ కున్న గడన కలదె మనకు
ఎవ్వరేమను కున్న నాకేటి వెఱపు.
0 Comments:
Post a Comment
Subscribe to Post Comments [Atom]
<< Home