ఎప్పుడు వ్రాస్తానంటే

నా కడుపు కాలినప్పుడు
నా ఒళ్ళు మండినప్పుడు
నాఎద గదించి నప్పుడు
నా మది రోదించి నప్పుడు
కళ్ళు చెమరించి నప్పుడు
పళ్ళు బిగియించి నప్పుడు
మనసు కుతకుత మన్నప్పుడు
తలపు తల్లడిల్లినప్పుడు
ఆవేశం పెల్లుబికి నప్పుడు
ఆవేదన పట్టరానప్పుడు
అన్యాయం కంట పడినప్పుడు
ఆప్యాయత కోల్పోయి నప్పుడు
ఒంటరిగా ఒక తెంపరిగా
వడిగా వడివడిగా ఏదో గొలికేస్తా
అదే ఓ పద్యం కాకుంటే ఓ కవిత
నిట్టూర్పు సెగలో నా ఆక్రోసం
మాడి మసై పోతుందప్పుడు
నిదానంగా ఊపిరి పీలుస్తా
సాలోచనగా నింగిలోకి తొంగి చూస్తా.