శుభాకాంక్షలు

అందరికీ శుభా కాంక్షలు  ఆంగ్ల  నూ 
                                     తన  వత్సర  తరుణ  మందు 
అందరికీ  ఇదే నా వేడికోలు మీ 
                                    వంతుగా మంచిని పంచ మనుచు 
అందరికీ  ఇదే నా విన్నపం కాస్త 
                                     సంస్కృతీ నినిలిపి  సంబర పడ 
అందరికీ మరోమాట మన తెలుగు
                                    కమ్మదనం  మరచి పో కండి 

మరచి పిల్లలను పరాయి పలుకులో పల్క రించకండి 
అమ్మ ఎంత యిష్టమో అమ్మ భాష కూడ 
అంత గొప్పని చెప్పండి ఆంగ్ల భాష 
కూటి కొరకే  మన నోటి కొరకు కాదు.

 

  
                    

మన తెలుగు తల్లి

నా నోటి పలుకుల తల్లి
నా బ్రతుకు వెలుగుల పాలవెల్లి
నా గుండె సవ్వడి   నిండు తెలుగు తల్లి
ననుగన్న తల్లి నా తెనుగు తల్లి.

నా ఇంటికే వెలుగు ఆ తెలుగు
తెలుగువెలుగుల నీడ నా బ్రతుకు వెలుగు
నా ప్రతి పలుకు జానుతెనుగు
నా ప్రతిన పలుకు పలుకున తెనుగు.

వేదికైనా వేడుకైనా
పండగయినా సందడైనా
పోరుగువాకిట కూలినైనా
వలస జీవనమోద్దికయినా
పరువు దాటని పలుకునేనైనా.

ఎత్తుమూటలనాటి  మా అమ్మ పలుకు
సుతిమెత్తగా వినిపించు ఎల్లప్పుడూ అ పలుకు
తీయ తేనెల అమేటి తేట తెలుగు పలుకు
తలపు తలపులో నా నుడి తెలుగు నానుడి
ఆ నుడికారమే ప్రాకారమై
నా గుండెలో వెలసిన తెలుగు గుడి .

నా ఆశ తెనుగు బాస
నా శ్వాస తెనుగుబాస
నా చెలిమి  నాబలిమి
నా కొలువు  నా నెలవు
నను తీర్చిదిద్దిన వేవెలుగు తెలుగు.

నాకళ్ళ లోగిళ్ళలో వెలిగి
నాకళ్ళ ఆకళ్ళలో మలిగి
నానోటి పాటగా వెలిసి
నా మేటి పద్యమై విరిసి
వెలుగొందు నా తెలుగుతల్లి
జేజేలు ననుగన్న నా తెలుగుతల్లి.