కాదన్నవాడు కుళ్ళుబోతు

కుంటెనకాడినా నేను పూజారినా
ఆర్చేవానిని తీర్చేవానినీ కలపడానికి
పుసుకుడినా నేను పుర పాలకుడనా
కక్కుర్తి మనసుతో వ్యవహారం చేయడానికి
అయ్యవారినా నేను ఆచార్యుడనా
ప్రజా శ్రేయమే ధ్యేయమై బ్రతకడానికి
అనాధనా నేను ఆడపిల్లనా
నోరుమూసుకు పడి ఉండడానికి
పసివాడినా నేను అమయకుడనా
పరేంగితం తెలుసుకోలేక పోవడానికి
రసికుడనా నేను యువకుడనా
చిలిపి పనులు చేయడానికి
నా కళ్ళకు ఆడపిల్లంటే బాలా త్రిపురసుందరి
నాకైతే అబ్బాయి అంటే బాల మురళీ కృష్ణ
వారి శ్రేయంకోసం ఎంత పనైనా చేస్తా

కాదన్నవాడు ఓర్వలేని కుళ్ళుబోతు.

నచ్పక పోతే నూతిలో దూకమను.

ఉయ్యాల లూగింది మన తెలుగు

ఉయ్యాల లూగింది మన తెలుగు

కాకతీయుల తోరణ గుమ్మం మీద వెలుగు మన తెలుగు
ఓరుగల్లు కోట బురుజు పై జయకేతనం మన తెలుగు
బమ్మెర వారి బాలరసాల శాల నవపల్లవ కోమలి మన తెలుగు
జానపదుల వేలవెతల నూసాడే గద్దర్ పాట మన తెలుగు
కాళోజీ సినారె దాశరథుల ముద్దు పలుకు మన తెలుగు
తంజపురి సరస్వతీ మహలులో సుఖాశీన మన తెలుగు
తిరువారూరు లో త్యాగయ్య తుంబుర మీటింది మన తెలుగు
కన్నడ నాట ప్రతినోట భువన విజయం రుచి చూపింది మన తెలుగు
ఆసేతు హిమాచలం ఉయ్యాలలూగింది మన తెలుగు
మలేసియాలో వీచే మలయమారుతం మన తెలుగు
సింగపూరు శ్రీ లంక బంగ్లాదేశ్ ఒకటేమిటి
ఎల్లెడలా వెల్లివిరిసిన మరు మల్లి మన తెలుగు
ఆపాత మధురం ఆస్వాద భరితం మన సుందర తెలుగు
ప్రాంతాలుదాటి దేశానికి ఆవల కూడా మోజున్న మన తెలుగు
తెలుగు వద్దనకండి
తెలుగు రాదనకండి
తెలుగు లో మాటాడండి
తెలుగు పలుకులకు ఊతమివ్వండి
తెలుగు వారమని సగర్వంగా నిలవండి.

గెలుపు నీ పెదవులపై చిరుదరహాసం కావాలి

ప్రసవ వేదనల కావల పండంటి బిడ్డ జననం
ఆమ్మతనం కమ్మదనం ఆపై తన సొంతం
కారు  మబ్బుల చీకట్లు తొలగితేనే దర్శనం
చిరు జల్లుల తెరపై ఏడురంగుల హరివిల్లు
మొక్క నాటి పాడి చేసి నీరు పోసి పెంచితేనే
ఒక  వృక్షమై ఎదిగి మంచి ఫలాలనిస్తుంది
నిప్పులు కురిసే ఎండ తాకితేనే మావి పిందె
అతిరస మధుర రసాలమై నోరూరిస్తుంది
ప్రతి   అద్భుత ఆవిష్కరణ  వెనుకా ఎంతో
ఓర్పూ నేర్పూ శ్రమా ముప్పేట దీక్ష ఉంటుంది
ప్రతి ఓటమిలో ఒక మహత్తర  గుణ పాఠం
ప్రతి సమస్యలోనూ ఒక అద్భుత అవకాశం
ప్రతి అవమానం లోను ఒక వినూత్న ఆలోచన
పుట్టుకు రావాలి అది మనల్ని తీర్చి దిద్దాలి
అన్నీ బాగుంటే బెల్లం చుట్టూ ఈగల్లా చీమల్లా
వందిమాగధులూ గోముఖ వ్యాఘ్రాలు చేరి
ఈతిబాధలూ లేమి యిక్కట్లు వస్తే దూరం జరిగి
పెట్టుబడికి ముందుకు పెత్తనానికి వెనక్కు తోసే
పబ్బం గడుపుకునే చెదపురుగులను వెనక్కు తోసి
నవనవలాడే నవోదయం మరో అరుణోదయం
ఆవిష్కరించాలి సత్తాచాటాలి వినమ్రంగా నిలవాలి
అతి సాధారణంగా అందరికీ కనిపించినా
మేరువులా కొందరికైనా అండగా ఉండాలి
మరో నూరేళ్ళు మంచిగా నిన్ను తలచుకోవాలి
నీ చేరువలో నీ చేతులలో ఎందరో బాగు పడాలి
ఈసడింపులూ వెక్కిరింతలూ శాశ్వతంకాదు
ఆడిపోసుకున్న వారే ఏనాటికైనా ఓడిపోవాలి
గెలపు నీ పెదవులపై చిరుదరహాసం కావాలి.

తెలుగు వద్దనకండి

తెలుగు వద్దనకండి

అజంత మజరామరము మన తెలుగు
సుస్వరాల సప్త పదుల బంధం మన తెలుగు
గోదారి గలగలలు కోకిలల కిలకిలలు మన తెలుగు
కృష్ణమ్మ పరవళ్ళు తుంగభద్ర చప్పుళ్ళు మన తెలుగు
కూచిపూడి కులుకుల నడక
కిన్నెరసాని తళుకుల హొయలు మన తెలుగు
బందరు  పీచు మిఠాయి రుచి మన తెలుగు
కాకినాడ కాజాలో తీపి రసం మన తెలుగు
ఆత్రేయపురం పూతరేకుల దొంతి మన తెలుగు
మాడుగుల హల్వా ఘుమఘుమలు మన తెలుగు
బెజవాడ వేడి పుణుకుల వాడి మన తెలుగు
తిరుమల వేంకటేశ ప్రసాద లడ్డూ మన తెలుగు
అన్నవర సత్యనారాయణ వర ప్రసాదం మన తెలుగు
తెలుగు వద్దనకండి
తెలుగు రాదనకండి
తెలుగు వారమనండి
తెలుగులో మాటాడండి
తెలుగు వెలుగులు దశదిశల చాటండి
తెలుగు పలుకులకు ఊపిరి లూదండి
తెలుగు వానిగా ఎల్లెడలా మనగలగండి.

Decimation is democratic art
domination is a political part
Nomination is a portrait show
normalisation is a remedy to grow.

Let my friends and enemy understand
let my students but dependants withstand
the agony of suppression to depression
like many, need compromise on emotion
 money plays the critical role for elevation.

Let my energy and ideology stand together
let my admirers and advisers realise ever
my heart beats for educating the girl child
to bring equal opportunity for the girl as well
 one or two boys may be there in benevolent cell

Let my dream of a civil servant from my hands
let my aim of a rural physician from my shoulders
many more pioneering in virtual pious nature
moulded sharpened and trained wings fly here
soiled watered and cared saplings grow from my heart.

వెక్కిరింతురు గాక వెరపేటి నాకు

నింగిలోని నిరంతర బాటసారి
అదే నింగిలో ఎటూ కదలని ధృవతార
ఒకింత స్వార్థం బోలెడంత పరోపకారం
పరమావధిగా ఫలాల నిస్తూ ఊపిరులూదే చెట్లు
ఛీత్కారాలు అవమానాలు మౌనంగా భరించే భువి
మహోన్నత లక్ష్య సాధనలో స్ఫూర్తి ప్రదాతలు
నా బలం నా నిబ్బరం వాటినుంచి నేర్చినవే
వెక్కిరింతురు గాక వెంగళాయిలు వెరపేటి నాకు
ఒప్పు లెరుగని వారు తప్పన్నా ఒప్పు తప్పౌనా
ఓనమాలు రాని ఓగిలితో నాకేటి పని
నా ఆత్మ విమర్శతో ప్రతిదీ నిగ్గు తేల్చుకుంటా
రాజమార్గంలో గజ గమనం నాది
బేపిలెలా మొరిగితే నాకేమి
కూనలెలా ఊసాడితే నాకేమి
నిజం నిప్పులాంటిది ముట్టుకుంటే కాల్తుంది
గజం నిజం లాంటిది నిబ్బరంగా నడుస్తుంది.

ఉ.
నౌమి సదా మదీయ జననీ లలితా అపరా పరా శివే
నౌమి తవాంఘ్రి యుగ్మ కమలౌరనిశం పరమేశ్వరీ ఉమా
నౌమి శతం భవాని కరుణార్ద్ర సుశోభిని హే! దయామయీ
నౌమి తమోపహారణి సనాతని కామదుఘే మహేశ్వరీ.

శా.
వందే శారద విష్ణుపత్ని పరి సేవా శోభితాం శాంభవీం
వందే పన్నగ భూషణాత్మ లలితాం వామాంగ సంశోభితాం
వందే  హే జగ దంబ! విశ్వ వపుషా వేదత్రయీ పార్వతీం
వందే బాల శశాంక శేఖరసతీ వందే ఉమా శాంకరీమ్.

న+ఏను= నేను

మనిషి కెందుకింత స్వార్థం
ఏం చూసి ఆ అహంకారం
'నేను నాది' అనే భావన పోదా
మనం అనే కలుపుగోలుతనం రాదా
నేను అన్న మాట విడదీసి చూడండి
న+ఏను అని,నేను నేను కాదని అర్థం
ప్రతి క్షణం స్వార్థపు టాలోచనలేనా
పొరుగు వారి కోసం లేని వారి కోసం
ఉన్నంతలో కాసింత అందించలేమా
నారాయణ సేవ అంటే దరిద్ర నారాయణ సేవే
జ్ఞానం నీ తరగని ఆస్తి, అది పంచలేమా
ఆనందం ఊటపాయ లాంటిది అదీయ లేమా
మనసు విప్పి నిష్కల్మషంగా మాటాడలేమా
ఎదుటి వారి బాగు కోసం ఆలోచించలేమా
నిబద్ధతతో అబద్ధాలు మానుకోలేమా
విజ్ఞతతో వ్యవహరించి విశ్రాంతి పొందలేమా
నేను నేను కాదంటే మరెవరని తర్కించలేమా
ఆత్మలో పరమాత్మ ,ప్రతి జీవిలో పరమాత్మ
అందుకోలేమా అందుకొని ఆనందించ లేమా?

ఆ చి‌రు నవ్వుల కోసమే నేను పరితపించి పోతున్నా
నీ పలుకరింత కోసమే రేబవలు ఎదురు చూస్తున్నా
ఓ శరజ్జ్యోత్స్నా నా మనవి వినుమా
ఓ బన్సుతా  నా వినుతి వినుమా
చిరు గాలి రాకతో తల ఊపదా పూబాల
తొలకరి చిరు జల్లుతో మిన్నంటదా మన్ను//    //
నా ఆశల మానస తనయ
నా ఊహల  ప్రియ సహృదయ
ఎదపరచి విడమరచి తరచితరచి
హాయిగా తీయగా మాటాడదా
సూటిగా దీటుగా బదులీయదా //   //
ఆ ఆమని ఈవిని నీవీవా
ఈ రాముని తనయవు కాలేవా
బాలవై నట్టింట నడయాడ రావా
బేలవై  నాకూడు కుడువలేవా //   //

మారాకు తొడగాలి నిస్వార్ధ బుధ్ది 

సహనం అసమర్ధతకు చిహ్న0 కాదు 

ఉదాసీనత ఆశక్తతకు  ఆద్యo కాదు 

అవమానాలూ అవహేళనలు కలిసి 

కసిగా విరుచుకు పడే సమయం వస్తే 

కోపం కట్టలు తెంచుకుని  పెల్లుబికితే 

నిర్ద్వ0దంగా  నిశ్శo సయంగా నిలదీస్తే
అప్పటికి కాని సరిగ్గా తెలిసిరాదు
ప్రతిదానిలో వేలు పెట్ట రాదని
తేలు కుట్టే ప్రమాదం పొంచి ఉంటుందని
పరేంగితం తెలియకుండటం అనాగరికం
పదిమందితో కలిసి మెలిసి బ్రతకడం కోసం
హద్దులూ సరి హద్దులూ మనమే గీసుకోవాలి
అవధులూ పరిధులూ నిర్దేశించుకోవాలి
ఆత్మన్యూనతలు కాదు ఆత్మావ లోకనం కావాలి
ఆత్మీయ ఆధ్యాత్మిక సజ్జన సహవాసం చేయాలి
నిస్వార్ధ బుద్ధి మారాకు తొడిగి వికసిస్తుంది
అవాకులూ చెవాకులూ మాని జిహ్వ నారాయణ
శబ్దాన్ని మాటి మాటికీ ఉఛ్చరిస్తూ తరిస్తుంది
జీవితానికి ఒక అర్ధమూ పరమార్థమూ కలుగుతుంది.

   బృహత్ భరతఖండం

ఆశావాదిని నేను, బహుశః

అత్యాశావాదిని నేను

నా కలల భారత ఉపఖండం

ఎవరెస్టు శిఖరం నుండి

హిందూ మహా సముద్రం వరకూ

శ్రీ లంక, నేపాల్, టిబెట్, బర్మా,

పాకిస్తాన్, బంగ్లాదేశ్ అన్నీ కలసిన

బృహత్ భరతఖండం

ఏనాటికైనా సాకారమైతే

ప్రపంచానికే అది తలమానికం

అసూయలూ విద్వేషాలు ఉగ్రవాదాలు

వదిలేసి చేయి చేయి కలిపి నడిస్తే

అభివృద్ధి ఆత్మ శాంతి ఆనందం

ప్రజలకూ దేశానికీ వరప్రసాద మౌతాయి

ఎంత కాదన్నా

దాయాదులం అన్నదమ్ములం 

ఒకప్పుడు కలసి బ్రతికిన చరిత్ర మనది

కలసికట్టుగా నిలిస్తే ప్రపంచాన్నే

శాసించే స్థాయి భరత భూమిది

దేవ దేవా విశ్వ శ్రేయం కోసం

ఇదే ఇవ్వాల్సిన తొలి వరం

ప్రతి వ్యక్తి శాంతి కాముకులై

మనగలిగే మహదవకాశం

ప్రసాదించవా దేవ దేవా

వ్యష్ఠి సమాజంగా మారాక

కొందరి ప్రగతి కుంటుపడింది

మరి కొందరి ప్రగతి లఘువులేసింది

సమవృద్ధి సమృద్ధి కోసం

శాంతి సామరస్యాల కోసం

ఓ ప్రభూ సమిష్ఠి గా నిలిపి

అఖండ భరత ఖండాన్ని

ఆవిష్కరించవా? ఆలోచించవా?

నా ప్రయత్నం

నాదొక భగీరథ ప్రయత్నం
ఇదంతా ఒక శివ సంకల్పం
పవిత్ర ఆశయం ఉన్న భగీరథుణ్ణి
సుజాతా పులకిత జాహ్నవి నీవు
నీ గతి గమనం నా వెంట నడిపిస్తూ
నిన్ను సుదూర గమ్యాలకు చేర్చుతూ
ఉన్నత లక్ష్యాల వైపు నడిపించడం నా విధి
లక్ష్య సాధన వరకూ సంయమనం నా అస్త్రం
నచ్చుకున్నా నొచ్చుకున్నా నా వెంటే నీ గమనం
నీ భాగ్యమో నా భాగ్యమో బాలగా కనిపించడం
అందుకే అనిర్వచనీయ మైన అవ్యాజానురాగం
ఇంతకు మించి నిస్స్వార్థ హితైషు లెవరుంటారు
నా మదిలో ఆలోచనలన్నీ నీతో పంచుకుంటా
నీలో సామాజిక చైతన్యం రగులుకొల్పుతా
లక్ష్యాలపై రక్కసి కసి కలిగిస్తా నిలదీస్తా
ఫలితం హస్తగతం అయ్యాక వెనుతిరిగి చూద్దాం
సంతృప్తిగా ఆనంద భాష్పాలతో గతశ్రముల మౌదాం.

  ధర్మం దారి తప్పింది

చలాకీ కుఱ్ఱాణ్ణి అమాయకపు అమ్మాయికి కట్టబెట్టారు
పెద్దలంతా కలసి అరవై శరత్పూర్ణిమల ముందు
అరవై ఏళ్ళలో గడుగ్గాయి చేతిలో రాటుదేలింది
నవ నాగరికం వంట పట్టించుకుని ఆ ఆమాయకపు పిల్ల
కన్నుకుట్టుకున్న కాలువ కుంటోడు పచ్చని కాపురంలో నిప్పు రాజేసాడు
గడుగ్గాయి కాసులన్నీ అత్తారింట ఒలకబోసాడు
అయిన వాళ్ళూ కానివాళ్ళూ కళ్ళు కుట్టుకున్నారు
చాడీలు కైతికాలూ ఆమె చెవిలో గర్జింపించారు
బిఱ్ఱ బిగుసకు పోయింది ఆ అక్కు పక్షి
పాలకులు విడిపొమ్మన్నారు నిర్దయగా ఆ జోడీని
అంతిస్తాం ఇంతిస్తాం అన్నారు అడిగిన వన్నీ ఇస్తామన్నారు
అధికార ప్రతిపక్షాలు రెండూ కుమ్మక్కై విడగొట్టారు
అత్తారింట ఒలకబోసినదంతా అమాయకంగా నటిస్తూ ఎగరేసుకు పోయింది ఆ కొంటె పిల్ల
ఇస్తానన్న హామీలకు అతీ గతీ లేదు
హోదాలమాట పరదా వెనక్కి దాటేసారు నమోజీ
పిల్లిగెడ్డం గోక్కోవడం తప్ప ఏమీ చేయలేని మా బాబు
దిల్లీలో ప్రతిదానికీ బాబ్బాబు అంటూ బతిమాలుకుంటాడు
ముప్పైఏళ్ళు నేనే ఉంటా ఆ పదవిలో అంటాడు పులి విందుల కూన
పెద్దలు వాగ్దానాలను తుంగలో తొక్కారు
కమ్మ కాపు వెలమ దళిత నాయకులు ఎవరైనా ఒరిగేదేంటి పోయేదేంటి
తిరుమల కొండమీద శిలువ రాకుంటే చాలు
గోదావరి గట్టుమీద  నీటి పాయ కనబడితే చాలు
కృష్ణమ్మ ముక్కుమీద నీటిచుక్క ముత్తెంలా మెరిస్తే చాలు
తుంగభద్రలో వేసవిలో కూడా నీరుంటే చాలు
కనుచూపు మేరలో మందు కొట్ట కనబడకుంటే చాలు
ఆకాసం శాంతించి దయదలచి దీవిస్తే చాలు
కాయకష్ఠం చేసుకుంటూ నిశ్చింతగా నిదురోతే చాలు
పిల్లలు గుంభనంగా నిమ్మళంగా పై చదువుల కెళితే చాలు
ఆరుగాలం కష్ట పడతాం అవాంతరలను అధిగమిస్తాం
పోటీ పరీక్ష లన్నిటిలో మేమే ముందు వరుసలో నిలుస్తాం
పదేళ్ళు గడిచాక మీరంతా చతికల బడతారు
మేమైతే వందేళ్ళు హాయిగా ఠీవిగా బ్రతికేస్తాం.

Oh! My mind

Indifferent silence for every agony
Bit difficult may be for a while
Intemperate response for courtesy
Upsets the mindset for ever
short sojourn and train association
rather shelters or shatters effortlessly
forgets and/or forgives so quickly
lifetime associations assert ramifications,
ruthless rude rehearsels ruin relations
help the needy not the greedy
serve the innocent not the intolerant
advise the confidential not the controversial
applause the noble not the needle
O my mind! cool down your emotion
O my God!  quite the scene often
Let me do and go as you wish
in the righteous truthful path
leaving selfish giants far behind.

సహజీవన సూత్రాలు

తనదాకా వస్తేగాని మనసు గాయం ఎలా ఉంటుందో

కడదాకా నడిస్తేగాని కపట హృదయం ఎలా వికటిస్తుందో

తెలుసుకోలేరు
 తప్పులెన్నువారు తమ తప్పు లెపుడు

ఉదాసీనమో పరధ్యానమో గంభీర మౌనమో

పాటించితే

పైచేయి తానే సాధించానని మురిసి పోయే కుహనా...లు
తెలుసుకుని తీరాల్సిన  కొన్ని నిజాలు

పెత్తనం పదవి అధికారం ధిక్కారం అంటురోగాల వంటివి

అంటీ ముట్టకుండా తామర ఆకుపై నీటిబొట్టులా ఉండాలి
బలిపీఠం ఎక్కించడంకాదు బలి పశువును చేయడం కాదు
నలుగురిలో ఒక్కరుగా మనగలగాలి అంటే
మన పరిధి అవధి మనమే నిర్ణయించుకోవాలి
ఉన్నత లక్ష్యాల సాధనలో ఉలిపిరి కాయలు విసిగించ వచ్చు
నింగికి ఎగరాలనుకుని మబ్బలడ్డు వస్తే వెనుదిరుగుతామా
పరేంగితం పరస్పర విశ్వాసం కలిసి సాగడానికి సోపానాలు
సహకారం సంయమనం సముదీర్ణత్వం
సహజీవన సూత్రాలు.

చెలిమికి బలిమి

హృదయాంతరంగ ప్రస్ఫుటచ్చిరు దరహాస మొక్కటి చాలు
సంశయ రహితానంద భరిత విస్ఫురిత చూడ్కది యొక్కటి చాలు
కల్మషరహిత స్వభావ పరిపూర్ణ విషయ వివరణ
మొక్కటి చాలు
పరిపూర్ణ విశ్వాస భరిత త్వరితానుగమన స్వేష్టి
తానొకటి చాలు
శాశ్వతాదర్శవంత చెలిమికి బలిమి కలిగి మనగలుగు
నిత్య నూతన మహా తేజోభరిత రసార్ణవమై ఆ చెలిమి మిగులు
యశోవిభవ భావసారూప్య సహజ సౌందర్యమై ఆ
కలిమి మిగులు
ప్రకృతి వరప్రసాదమై జగన్మాతానుగ్రహ కారణమై ఆ దివ్వె వెలుగు

గారాల పట్టిగా మురిపాల బాలగా
   దర్శన మిచ్చి సంతసము నిచ్చి
మూతి బిగించినా మౌనమే చూపినా
అలిగినా అరచినా  ఆదరిస్తి
నీ కెంత ద్వేషమో నాకంత అభిమాన
   మని చాటి ఋజువుగా మసలినాను
నీవేది కోరినా నీవేది జేసినా
 వలదని కాదని వాగలేదు
నీదు నయనాల పంటగా నీవు కోరు
నాదు గుండె చీల్చినీ ఎదుట పరచి
నిబ్బరముగ చూపింతు నా నా ఇష్టి ఏమొ
పరసుఖానంద నాథుడ భాగవతుడ.   

గలగలా గోదారి లా నవ్వుతూ
కి‌లకిలా చిలుకలా పలుకుతూ
మనసారా పిలచి పలుకరించవా
తనివితీరా కలసి మాటాడవా
కపటంలేని అనురాగం మనదై
స్వార్థం లేని స్నేహం మనదై
కలకాలం
చేదోడు వాదోడుగా సాగలేమా
శ్రేయోభిలాషులై మనలేమా
పర సుఖానంద మందలేమా
 కంటికి ఱెప్పలా ఉండలేమా
అనుబంధాలకు అనురాగాలకూ
అతీతంగా ఆదరంగా బ్రతుకలేమా
గురువు నేనై లఘువు నీవై
ఇద్దరమూ ఒద్దికగా పయనించలేమా
ముద్దుగా బుద్ధిగా కొనసాగలేమా.

మా దేశం
శర వేగంతో ఎదుగుతోంది
శీఘ్ర గమనంతో పయనిస్తోంది
బానిసత్వ వారసత్వనుంచి
ఊడిగాల పడిగాపుల నుంచి
నవత యువత భవిత త్రికరణములై
మా దేశం
లఘువులేస్తూ దూసుకు పోతోంది
గురువు తానై యోగమిస్తోంది
నిస్త్రాణ నైరాశ్యాల అగాథాల నుంచి
విదేశీ వ్యామోహ స్వదేశీ నిర్మోహాల నుంచి
వడివడిగా జడివానలా
నిస్సవ్వడిగా జవ్వనిలా
మా దేశం
ప్రపంచాన్ని ఆకర్షిస్తోంది
ప్రతి దేశాన్ని చెలిమికి పిలుస్తోంది
మా దేశం మారుతోంది
మార్పు మా రక్తంలో ఉంది
నేర్పు మా మస్తిష్కంలో ఉంది
ఓర్పు మా నరనరాలలో ఉంది
చేర్పులూ కూర్పులూ మామూలే
మీ...మీ....
తీర్పులూ మామూలే
ఔత్సాహికులు వేగంగాను
బద్ధకస్తులు నిమ్మళంగానూ
నిరుపేదలు నిరాక్షేపణీయంగాను
ధనికులు అహంకారం తోనూ
చిరునవ్వులు చిందిస్తూ
మా దేశం మారుతోంది.