నా ప్రయత్నం

నాదొక భగీరథ ప్రయత్నం
ఇదంతా ఒక శివ సంకల్పం
పవిత్ర ఆశయం ఉన్న భగీరథుణ్ణి
సుజాతా పులకిత జాహ్నవి నీవు
నీ గతి గమనం నా వెంట నడిపిస్తూ
నిన్ను సుదూర గమ్యాలకు చేర్చుతూ
ఉన్నత లక్ష్యాల వైపు నడిపించడం నా విధి
లక్ష్య సాధన వరకూ సంయమనం నా అస్త్రం
నచ్చుకున్నా నొచ్చుకున్నా నా వెంటే నీ గమనం
నీ భాగ్యమో నా భాగ్యమో బాలగా కనిపించడం
అందుకే అనిర్వచనీయ మైన అవ్యాజానురాగం
ఇంతకు మించి నిస్స్వార్థ హితైషు లెవరుంటారు
నా మదిలో ఆలోచనలన్నీ నీతో పంచుకుంటా
నీలో సామాజిక చైతన్యం రగులుకొల్పుతా
లక్ష్యాలపై రక్కసి కసి కలిగిస్తా నిలదీస్తా
ఫలితం హస్తగతం అయ్యాక వెనుతిరిగి చూద్దాం
సంతృప్తిగా ఆనంద భాష్పాలతో గతశ్రముల మౌదాం.