వేల దీపాల కాంతి లో
వేవేల ఆశల ఊహల తోపులాటలో
వేనవేల అవరోధాలు
శవాలక్ష అనుమానాల నడుమ
నిస్స0దేహంగా నాజీవిత నావ
పయనిస్తూ0ది పడిలేస్తూ0ది

దీపాల వరుసల్లా
ఆశలూ వరుసలు కడుతున్నాయి
 ఉరకలు వేస్తున్నాయి
ప్రతి దీపావళికీ నేననుకుంటా
ఎన్ని దీపాలు మనకోసం
అసువులు బాసేనా అని
అయినా అదో  సరదా అదో  వేడుక

నింగికి నిచ్చెన వేసినట్టు తారాపథం
చేరిపోతాననే జువ్వలాంటిది నా మనసు
వెన్నముద్దలు నా  తెలుగు పదాలు
సిసింద్రీలు నా  చెళుకులు

తెలుగు వాకిట ప్రతి పూటా
నాకొక దీపావళియే
ప్రతి క్షణం ఆశావళియే .
 

శరత్కాల వెన్నెల ఆరుబయట పిచ్చ్చాపాటీ
నలుగురు కుర్రాళ్ళు చేతిలో పుస్తకాలు
అధ్యనం కొంత అధ్యాపనం మరింత
ఏదో సాధించాలనే మహా దుగ్ధ
ముగ్ధ మోహనంగా మనసును లాగుతుంటే
పదిమందిని పోగేసుకుని తీర్చిదిద్దాలని
పదిమందికి నేను ఉపయోగపడాలని
ఆశపడితే ఆరాటపడితే తప్పేంటి ?

ప్రకృతికి మధుమాసం
ఏడాదికి ఒకసారే అయినా
ఈ పిల్లలకు అనునిత్య0 ఆమనియే
నేనంటే వాళ్లకు ఎంతో ఇష్టం
వాళ్లంటే నాకూ చాలా ఇష్టం
అందుకే విడరాని బంధం
వదలలేని అనుబంధం
కృషితో నాస్తి దుర్భిక్షం
న వంతు కృషి నే చేస్తున్నా.