వేల దీపాల కాంతి లో
వేవేల ఆశల ఊహల తోపులాటలో
వేనవేల అవరోధాలు
శవాలక్ష అనుమానాల నడుమ
నిస్స0దేహంగా నాజీవిత నావ
పయనిస్తూ0ది పడిలేస్తూ0ది

దీపాల వరుసల్లా
ఆశలూ వరుసలు కడుతున్నాయి
 ఉరకలు వేస్తున్నాయి
ప్రతి దీపావళికీ నేననుకుంటా
ఎన్ని దీపాలు మనకోసం
అసువులు బాసేనా అని
అయినా అదో  సరదా అదో  వేడుక

నింగికి నిచ్చెన వేసినట్టు తారాపథం
చేరిపోతాననే జువ్వలాంటిది నా మనసు
వెన్నముద్దలు నా  తెలుగు పదాలు
సిసింద్రీలు నా  చెళుకులు

తెలుగు వాకిట ప్రతి పూటా
నాకొక దీపావళియే
ప్రతి క్షణం ఆశావళియే .