సీ.
బంగారు కామాక్షి పదసన్నిధిని భక్తి
సప్తస్వర విహారి శ్యామశాస్త్రి
కమలాంబికను గొల్చి కమనీయ కృతులల్లి
ముద్దుపళనియయ్యె ముత్తుస్వామి
రామతారక నామ రవళితో శ్రీరామ
దర్శనమందిన త్యాగరాజు
సంగీత సామ్రాజ్య సామగాన విదులు
పలువుర చట గూడి పాడుచుండ
తే.గీ.
గాన మాధుర్య సంగీత గమకములతొ
పరిఢవిల్లగ వైకుంఠ భర్గసభలు
లలిత సంగీత కచ్చేరి లహరి గూర్ప
నింద్ర సభల బాలు డరిగె నింద్రపురికి.
0 Comments:
Post a Comment
Subscribe to Post Comments [Atom]
<< Home