ప్రణతి
ప్రణతి
అన్యంబొల్లదు నామనంబకట! యాశాసాంతమట్లుంటచే
యన్యాక్రాంత విరోధమై చనును నా యాశా పరాధీనతన్
తాన్యాధృచ్ఛికమై వచో విభవమై ధర్మార్థమై తోచగా
ధన్యంబంచు తలంతు నాపుటక దాక్షాయణీ! భార్గవీ!
నిన్నున్నమ్మిన నామనంబితరమున్ నిర్లక్ష్యమున్ జేయగా
మున్నా భాగ్యమదెంతయో దవిలి సమ్మోహంబుగా మారగా
కన్నా నెన్నియొ మంత్రలబ్ద ఫలముల్ కాఠిన్యముల్ భోగముల్
నన్నేలా మున్నలా పరసుఖానందాఖ్యుడన్ జేసితో?
సంధ్యోపాసన నేర్చినట్టినను సత్సాంగత్య యోగంబుగా
జంధ్యాల్పూర్ణిమ నాటికిన్ తొలుత సుజ్ఞానావ కాసంబుగా
బంధ్యాసక్తులు మాని నీ కొలువు సంప్రాప్యమ్ము నా కబ్బ నే
వింధ్యా దృక్పధమింతలేక నిను సేవింపం దొరంకొంటినే.
నీ పై నమ్మకమే మహాబలిమిగా నే నిన్నికష్టంబులన్
తాపీగా విధివత్తుగా సమధి కోత్సాహంబుతో సాగుచో
నా పై నా కొక సంశయంబు కలుగున్ నాకంత సామర్ధ్యమున్
ఏపాటైనను యున్నదా? బడి గుడిన్ యెట్లోర్తునో శాంకరీ.
మ.
నిను సేవింపగ నాపదల్ తొలగునో నిత్యోత్సవంబబ్బునో
మును నే జేసిన పాపసంచయము యామూలాగ్రమున్ బోవునో
కనులన్ గాంచెడి భాగ్యమే కలుగునో కన్నార నీరూపమున్
యనుకూలంబగు కాలమే యెదర సాధ్యంబౌచు తానున్నదో
నిను సేవింపగ కల్గు నెమ్మదికి నేనెంతో ముదంబందెదన్.
0 Comments:
Post a Comment
Subscribe to Post Comments [Atom]
<< Home