కల్పవల్లి
సీ.
దిక్కేమి లేనట్టి దిక్కుమాలిన వార్కి
పేరున్న నీవుగా పెద్ద దిక్కు
సంతత దౌర్భాగ్య సంతతి కీవెగా
చేయూత నిచ్చేటి చిన్న దిక్కు
ఆశ నిరాశల యల్లికల కుచేల
మును గట్టు వారికి మొదటి దిక్కు
ఈతి బాధలతోడ యిట్టట్టు నలిగెడి
ప్రాణులందరకు సంప్రాప్త దిక్కు
తే.గీ.
ఆర్తితో అమ్మ నిన్నడిగినా యాదుకోవ?
సుబుధ జన బన్నముల చూడ బోవ?
నన్ను కడదేర్చ రావె యానందవల్లి
కంచి కామాక్షి కరుణించు కల్పవల్లి.
0 Comments:
Post a Comment
Subscribe to Post Comments [Atom]
<< Home