శా.
రాకన్మానవు క్షీణ పక్షములు యారాకా కళావంతుకున్
లేకన్పోవునె వృద్ధి సంతసము లేలీలన్ సినీవాలికిన్
పోకన్మానవు రాజ్యసంపదలు సంపూర్ణంబుగా దుర్దశన్
కాకన్పోవునె రాజె కింకరుడు యౌ కాలానుగుణ్యంబుగా.

రాకన్మావు కష్టనష్టములు యే రాజన్యు కైనన్ విధిన్
లేకన్పోవునె మాన్యమోత్తమపు హృల్లేఖ్యార్థ సన్మానముల్
కాకన్పోవునె నిన్నమొన్నటి శ్రమల్ కామ్యార్థ సంప్రీతులున్
పోకన్నుండునె దుర్దశా సమయముల్ పోనాడగా నేలనో్

ఆశావ్యాహృతి యొక్కటే బ్రతుకుపై నాసాంతంబు విశ్వాసమున్
లేశంబైనను గూర్చు పెన్నిధి కపాలీ సన్నిధానంబుగా
పాశాబంధ విముక్తికై తలుపవే బాధావ్యధాగారమై
రాశీభూతపు పాపసంచయము వైరాగ్యమ్ము జూపింపదే.