కం.
తెలికాగితమీ జీవిత
ము లిఖించుట నీదు ప్రజ్ఞ మున్నుడి నీయన్
తలిదండ్రులు గురు లాపై
సలహా లీయగ లిఖింప సాధ్యము యనెదన్.

అనుభవమే మలి గురువగు
తన సాధనయే  గెలుపుకు తలవాకిలియౌ
మనగలుగుట ముఖ్య మగుచు
ఘన జీవన కావ్య మొకటి కల్పించ వలెన్.

ఒడిదుడుకులు తప్పవు యే
బడి చదువులును కొఱగాక భయమగు బ్రతుకే
తడబడక విడక సాగిన
వడిగా విడిగా కలిగెడి భాగ్యమ దెంతో.

మంచి చెడులుండు గాని యే
వంచన చేయక మెలగిన ప్రాభవ మిదిగో
కాంచ మనుచు యనుభవముల
పంచుటె గ్రంథమగును యిహపరమౌ నపుడే.

జీవిత చరితము యితరుల
కై వెలయింతురు చదువరి యా కవి గాడే
జీవిత సత్యము తెలిపిన
జీవింతురితరులు ధర్మ సేవకు లనుచున్.