తే.గీ.
కర్మ పరిపక్వ మగునంత కాతు వండ్రు
దుఃఖభాజన దుర్విధి దుర్దశలను
మోసికొనిపోదు నట్లె విముక్తిలేక
మరణ మాసన్నమైన నీ స్మరణ నిమ్ము.

జపతపార్చన విధులను శాన నాచ
రించి కడకంట భక్తి నీ రీతి మెలగ
ముగిసి పోచుండె యీ జన్మమో భవాని!
మరణ సమయాన నీనామ స్మరణ మిమ్ము.

ఇచ్చితివి కొన్ని మరికొన్ని యీయవైతి
హెచ్చు తగ్గుల నెంచక నేగుచుంటి
భాగ్య మంతంతె మాకు సౌభాగ్య మంతె
అంతిమ ఘడియనైన  మనసా ఆదరించు.

ఐహిక సుఖ సంపదలకు యాశ లేదు
యనుభవించగ కాలము నసలులేదు
తృప్తిగా హంస యెగిరిపో తున్న చాలు
మరణమునకూడ నీ నామ స్మరణ జాలు.