సీ.
చిరుత కూకటి శోభ చిలిపి పల్కులు తోప
నతులు సన్నుతులతో నన్ను మలచి
సూక్తిముక్తావళీ సుప్రభాతపఠన
మొక్కింత నలవర్చి ముచ్చటిల్లి
భాగవతగత శోభాయమానంపు ప
ద్యములు పఠింపించి ధన్యత నిడి
భక్తి మార్గమునందు పయనింప గా జేసి
స్వావలంబన తోడ సాగునట్లు
తే.గీ.
నన్ను తీర్చిదిద్దినయట్టి నా పితరుల
కేను ఋణపడి యుందు నా కింత హెచ్చు
జేసిరనుచును న న్నింత జేసి జూచి
రనుచు యెట్లైన ఋణము తీరదని యనుచు.
సీ.
తల్లి గర్భములోన తలకిందులగుచు నే
జేసిన మొరాలించి జీరెనేమొ
ఉగ్గుపాల్ద్రావుచున్ ఊకొట్ట రానప్డు
జనని యమృతవృష్టి చలువ కేమొ
మైజారు యంచులు మాటిమాటికి పట్టి
కృష్ణు కథలాలించు కృషికి నేమొ
లాలి పాటల జోల లల్లారు ముద్దుగా
కంఠగతమై జెప్ప కనికరమ్మొ
తే.గీ.
బాల కృష్ణుని యాగిడీ పనుల కమ్మ
వద్దురా యంచు వారించు వాక్యములకొ
తెలుగు నుడికార మింపయ్యె తెలియ నపుడు
అట్టి తల్లిదండ్రుల నెప్డు నాత్మ దలతు.
0 Comments:
Post a Comment
Subscribe to Post Comments [Atom]
<< Home