ఉ.
అమ్మవు నీవు నీదు చరణాంబుజముల్ శరణంచు వేడి నిన్
నమ్మిన వారి కెన్నటకి నాశము లేదను యార్య వాక్కులన్
నమ్మిన నీ యుపాసకుడ నా మదికిన్ తగినంత శక్తియున్
నెమ్మది నీయుమో జనని నేరములెంచకుమమ్మ షోడశీ.
శా.
అమ్మా! శాంకరి! సర్వమంగళ! సదా యాత్మోన్నతిన్ స్థైర్యమున్
యిమ్మా యీ యిడుముల్ కడున్గడు మమున్ యిబ్బంది వెట్టన్ నువే
సుమ్మీ యండగ నిల్చు వేలుపువు నీ చూడ్కుల్ యిటున్ ద్రిప్పవే
కొమ్మా మా వినతుల్ సదార్ద్ర హృదయా దాక్షాయణీ షోడశీ.