సీ.
 యిచ్ఛాశక్తియె జీవి కీశ్వరేచ్ఛగ నిల్పు
       కామేశ్వరీ యీవె కామితముల
మనసులన్ రంజించి శశి జ్ఞాన శక్తి నీ
       యంగ వజ్రేశ్వరీ యానతీయ
దేవగురు దయన్ క్రియాశక్తి నిప్పింతు
       వే భగమాలినీ విశ్వమునకు
శక్తి త్రయాత్మకముల పరాశక్తివై
       ప్రకృతివై యవ్యక్త! పరిఢవిల్లు
తే.గీ.
మూడు శక్తులొకటనగ ముచ్చటగుచు
మువురు తల్లుల తల్లి! యమ్మోరు వీవు
ఆలకించవె తల్లి ఆనందవల్లి
కంచి కామాక్షి కరుణించు కల్పవల్లి.