పదిలం బిడ్డా!

మడమ తిప్పరాదు
ఎడమ పెట్టరాదు
బొబ్బిలి బెబ్బులిలా
తొడగొట్టి నిలవాలి
మీసం మెలేసి నిలవాలి
ఆంధ్రా పౌరుషానికి
మాయని మచ్చ తేరాదు
హంసలా బ్రతకాలి
జగజ్జేగీయమాన గతవైభవం
పునరావృతం కావాలి
ప్రశ్నించే ప్రతిపక్షం లేకుంటే
తప్పొప్పులు చెప్పేదెవరు
గోతులు త్రవ్వడం మొదలైతే
ప్రగతి రథానికి ఒడిదుడుకులే
ప్రజలకి పప్పుబెల్లాలూ నానీలు
తాత్కాలిక ఉపసమనాలే
పరిశ్రమలూ పెట్టుబడులే
జనజీవనానికి ఉపకరణాలు
అభివృద్ధికి సోపానాలు
ఆవురావురనే గద్దలుంటాయి
తస్మాత్ జాగ్రత్త! జాగ్రత్త!