మగాడా! తెలుసుకో
ప్రపంచానికి జ్ఞానం ప్రవచించిన దేశం
అహింసా పరమో ధర్మః అన్న దేశం
యత్రనార్యంతు పూజ్యంతే అది నా దేశం
నవరస మంజరి నారి అని మురిసిన దేశం
వేనవేల వత్సరాల గతవైభవ చిహ్నం
శతాబ్దాల దాసీతనమే నేర్పిందో
ప్రారబ్దాల దురహంకారమే నేర్పిందో
ఆడదంటే అంతుచిక్కని అలసత్వం
పసికందులపై కూడా అత్యాచారాలు
ఆడపిల్లలొద్దంటూ గర్భస్రావాలు
అడుగడుగునా ఆడపిల్లకు వేధింపులు
చదువుకున్న ఉన్నతోద్యోగుల యింటైనా
మగవారితో సమానంగా ఆర్జిస్తున్నా
ఆడదంటే ఓ పనిమనిషిగా వ్యవహారం
మిగుళ్ళతో కడుపు నింపుకోమనడం
బాధ్యతా రాహిత్యం సోంబేరితనం
మగమహరాజులమనే దుష్ట ప్రవృత్తి
వెరశి నా భారతదేశం తిరోగమనం
అందుకే స్త్రీ పురుష సమానత్వ సూచీలో
 నా దేశానికి తొంభై అయిదవ స్థానం
స్త్రీకి ప్రమాదకర దేశాల సూచీలో ఐదోస్థానం
ఇదే కొనసాగితే ఈ మగ బుద్ధులు మారకుంటే
సగం మంది అబ్బాయిలకు పెళ్ళి కానేకాదు
కర్కశ నిరంకుస దురహంకారపు మగాడా
నీ వల్ల సమాజానికి ఎంత కీడో తెలుసుకో.