👋
ఉ.
దొంగకు తాళమిచ్చి బహు దొంగల గుంపుగ కాన్కనీయ మీ
ముంగిట స్వర్గముంతుమని మున్నుడి పల్కిరి పాదయాత్రలో
అంగడి నున్నవన్నియును యల్లుని నోటనె మందు డన్నటుల్
చెంగట చంద్రుడున్న చలి చీమలు కుట్టునొ వీని మోముకున్.

ఉన్న పళంబుగా నిలచి యూరక వెక్కిలి నవ్వు నవ్వుచున్
నిన్నటి దాక యా తెలుగు యేలిక నేలిక
యీసడించునో
కొన్ని  వితండ వాదనల కొన్ని యసభ్య పదాలతో చిఛీ
నిన్నెవరాదరించిరవి నీతికి పెట్టిన పేరు నీవెగా.

వాగుడు కట్టి పెట్టి మనవారికి పంచుట మానుకొన్న నీ
లేగడి పాలనా విధికి లేని యసత్య ప్రచార జోరులా
నీ గడపన్ కడున్ కడు వినీత సమస్యలు చూడ నొల్లవో
ఆగడమేల జేసెదవు యార్తులనేకుల మేలుకోరవే.