ప్రతిభకు స్థానం లేదు
ఇది నా స్వతంత్రభారత దేశం
వందల వత్సరాల బానిసత్వం
నరనరాలలో జీర్ణించుకున్న వైనం
అణగారిన వర్గాలకు కూడా అందలం
అందించాలని సమసమాజపు కలగన్నాం
అందరి తలరాతలు మారాలని ఆశించాం
డెబ్బైవసంతాల స్వేచ్ఛా పాలనను
నెమరేసుకుంటే ఏమున్నది గర్వకారణం
ప్రతిభకు పట్టం కట్టలేం
సత్యానికి స్థానం యివ్వలేం
కులాలు మతాలు ప్రాంతాలే  ముఖ్యం
 ప్రజాస్వామ్యం ముసుగులో ధనస్వామ్యం
ఓటేసిన పాపానికి కాటేసే విషసర్పం కౌగిలిలో
 అమ్ముడు పోయే అమాయక జనం
ఉచితాలూ తాయిలాలతో సోంబేరితనం
సంపద అంతా కొందరి కైవసం
ఆపద అందరికీ తలో పిడికెడు
ఓ ఓనమాల గడుగ్గాయి
ప్రజ్ఞా పాటవాలను తేల్చే స్థాయి
అందుకే వలసవాదం
 యీనాటికీ సజీవం
ప్రతిభ కన్నా కులమే ముఖ్యం
ప్రగతికన్నా వ్యాకులమే సఖ్యం.
(అంబటి రాయుడు క్రికెట్ ఆటనుంచి
నిష్క్రమణ కు స్పందనగా)