నేనూ.. నా దేశం
మందు మత్తులో చిత్తైనా
విత్త భ్రాంతితో ముద్దైనా
అకుంఠిత దీక్షతో సాగుతాం
అవనత వదనంతో తిరిగొస్తాం. // నేను//

మందు బుడ్డియే జనతకు అమృత కలశం
రొక్కం దక్కే దోవే ప్రభుతకు పరవశం
పరువపు బిగిలో వనితలు కూడా
మందు వరుసలో ముందే ఉండే
ఈమందేదో ఇంటింటికీ పంపిస్తే
ఆ కామందులకే ఓటేస్తాం
ఆ కామాంధులనే గెలిపిస్తాం. //నేను //

మందు చూపేగాని
ముందు చూపే లేని
మా నేతలకు నమో నమో
పుస్తెలమ్మకునైనా పులసల కోసం
పస్తులుంటున్నా ఈ మందు కోసం
ఎగబడతాం గంటల కొద్దీ నిలబడతాం
కాదంటే ఊరుకోం తిరగబడతాం. //నేను //