వలస కూలీ

కడుపు చేత పట్టుకొని
కానకళ్ళన బ్రతుకు తెరువు కోసం
దూరాభారాలను మరచి మైమరచి
చేతికి తగినంత పనికోసం
పనికి తగ్గ పైకం కోసం
 రొక్కం కోసం
గుడిసెల్లో బ్రతుకు వెలారుస్తూ
నాలుగు రూకలు పోగేస్తూ
పిల్లల కోసం అమ్మా నాన్నల కోసం
వలస కూలీనైనా.
ఇదిగో ఈ మాయదారి కరోనా
మా కడుపులు కొట్టింది
పనీ పాటా లేకుండా పడి ఉండమంది
పొద్దస్తమానం కాళ్ళు జాపుకు కూచ్చుంటే
పెళ్ళాం పిల్లలేే తనుపు కొస్తారు
ఒంటరిగా ఎక్కడో చచ్చేకన్నా
నా వారి మధ్యనే చావడం మేలన్నా
అందుకే వందలు వేల మైళ్ళ దూరమైనా
పదండి సొంతూరుకు నడిచే పోదాం
తిన్నా తినకున్నా అది మన వూరన్నా
బతికుంటే బలుసాకే తిందాం
కలో గంజో కుటుంబంతోనే పంచుకుందాం
మరణమైనా పుట్టి పెరిగిన నేల పైనే
బూడిదైనా నన్ను సాకిన మట్టిలోనే
కాదనకండి నా మాట వినండి
మమ్మల్ని ముందుకు సాగనివ్వండి
కాయం వల్లకాదంటున్నా
పయనం ముందుకే అన్నా
కావాలంటే మా వూరి పొలిమేరలో
ఆపేయండన్నా నిర్బంధించండన్నా
ఊపిరి పోయే లోగా ఊరు చేరి పోవాలె
కన్నోరి కన్నీటి వీడ్కోలు లో నే రాలి పోవాలె
వలస బతుకులు ఈ రీతిగా కడదేరి పోవాలె