ఏ మందూ లేని ఓ కరోనా
ఏమందునే నిన్ను కోవిదా
నీ ముందు జగతి జడిసింది
నిన్ను తాకితే 'మైల' వస్తుంది
అందుకే
మడి పాటించమని బామ్మ చెప్పింది
కరచాలనం మాని దండం పెట్టమంది
మా జైనులు చూడు ఎప్పుడూ
ముహపట  కట్టుకుంటారే
అదే ఇప్పుడందరికీ వరమైంది
భారత దేశం భగవద్దేశం
ఇక్కడ నీ ఆగడాలు సాగవు
కాళ్ళు చేతులు నోరూ కడగందే
బయటనుంచి ఇంట్లోకి రాము
మా సంప్రదాయాలు అలవాట్లు
అవే నీ ముందరి కాళ్ళ బంధాలు
అన్నీ మూసుకుని కూర్చోవాలన్నా
అది భారతీయులకే సాధ్యం
మా ఆధ్యాత్మిక సాధనలో అదో భాగం
నువ్వెంత మహమ్మారి వైనా
మేమేమీ ఏమారి పోము
పొరుగు వాకిట నుంచి దొంగలా
వచ్చిన నీకు చావిక్కడే తెలుసుకో
మా సంస్కృతి సంప్రదాయాలే
మాకు ముమ్మాటికీ శ్రీ రామరక్ష.