సీస గర్భిత మత్తేభం.
సీ.
వినుత సౌందర్యమ్ము మీదు సొత్తు కలదే
           నూనూగు నెత్తావి నాప గలుగ
ప్రకృతిలో మీకొక స్థానమున్నదని యా
           క్రోసింతురే యెవ్వరున్ గడుసరి
సుమతి! చాంచల్యము జెందనీకు మనసే
           మార్ఛన్ తలంచున్ సుమా మరిమరి
విగత వాద ప్రతి వాదముల్ మరచి
           సాంగత్యమ్ము సాగింపవే కుసుమమ.
తే.గీ.
ఏల విరుల గోయు తలపదేల మనుజు
లేల మిమ్ము త్రుంచు తెగువ లేదదేల
మనిషి పై గురి కలదే లమకుడ నేను
సమ్మతింతు ననరె చాలు చాలు నాకు.
మ.
నుత సౌందర్యము మీదు సొత్తు కలదే నూనూగు నెత్తావి నా
కృతిలో మీకొక స్థానమున్నదని యాక్రోసింతురే
యెవ్వరున్
మతి చాంచల్యము జెందనీకు మనసేమార్చన్ తలంచున్ సుమా
గతవాద ప్రతివాదముల్ మరచి సాంగత్యమ్ము సాగింపవే.

కం.
ఏల విరుల గోయు తలప
దేల మనుజులేల త్రుంచు తెగువ లేదా
యేల మనిషిపై గురి కల
దే లమకుడ నేను సమ్మ తింతున్ యనరే.

ఆ.వె.
ఏల విరుల గోయు తలపదేల మనుజు
లేల త్రుంచు తెగువ లేదదేల
మనిషి పై గురి కలదే లమకుడ నేను
సమ్మతింతు ననరె చాలు చాలు.