ప్రతి పాద యమక స్తబకం.
సీ.
విరిబాల గనవేల వినవేల మాగోల
             యననేల నిన్నేల యలుసు నగుచు
సొగసైన తనువైన నీకైన మాకైన
              తావేల యీవేల  తలుప వేల
విరబూసి నినుజూచి తలయూచి  కనుమూసి
             రాలిపో నేల పో రసిక రాజ
మూన్నాళ్ళ ముచ్చటై మూన్నోళ్ళ ముచ్చటై
             కన్నోళ్ళ కన్నీళ్ళ కట్టెదుటనె
తే.గీ.
విరిసి మురిసిన మెరిసిన విభవ మంత
ఎదురు చూచిన జనకుల యెదలు గదియ
త్రుంచగా నేల నీవేల తుంటరగుచు
మానవా నీకు జోహారు మమ్ము విడుము.
కం.
ఓరమణీయ సరసిజా
పూరక మందున నిను గొన బూనుట కగునా
బారక మౌ మది నాకే
లా రస రాజ్ఞి వనుచు మరలా కలిసేనా. ( ఓ పూ బా లా. పాదాద్యక్షర సంబోధన గోపనీయం)