నేను

                నేను
ఉ.
నేననుచున్ తనూ ద్యుతులె నిత్యమటంచు తలంచి నీల్గినన్
మేనది నేను కాదనుచు మేనును నేనును వేరువేరనన్
మేనును కాదనంగలమె మేలము లాడగ నొవ్వదే మదిన్
'నేను'ను కాంచ గల్గుదమె నేరుపు మీరగ మేనిలోపలన్.
ఉ.
చూపుల కందనట్టి తను జూడగ సాధకు లెందరెందరో
మాపులు రేపులున్ శ్రమల మాటున జిక్కిరి 'నేను' కోసమై
నీ పని కాదు పొమ్మనుచు నిందలు మోపిరి కొందరందులో
'నే'నొక భావనంచు మన నీయరు దుర్మద మిత్ర వర్గమున్.
ఉ.
నేనొక యూహగా దలుప నేనను భావమదెట్టులో మదిన్
తానొడ గూరుచుండ నట తాలిమితో నడిపించుచున్న దేమిటో?

మేను యుపాధి 'నేను'కు సమీపసుబంధ విచిత్ర మెంతయున్

కానని 'నేను' కోసమని కన్నులు కాయలుగాయు మేనికిన్.