ఆంధ్ర భాషా వధూటి

  ఆంధ్ర. భాషా వధూటి
ముగ్ధ మనోహర రూప సౌష్టవ కన్నియ
హావ భావ విస్ఫురిత కమనీయ కావ్య కన్య
స్వర సుర ఝరీ తరంగాంతరంగ భవ్య
నవ్య నవనీత సమస్ఫురిత మా యాంధ్ర కన్య.
హరిప్రియాటోప సంగీత ప్రియావతంస
దశ దిశల మార్మ్రోగు  నుడికారంపు సడి
తీయ తేనెల తేట తెలుగు పలుకు కులుకు
వేయి వీణలు మీటు ఆనంద సంద్రాన మంద్రాన
ఆపాత మధురమై శ్రవఃపేయమై సుస్వరమై
సప్తస్వర వినీల గగనంలో సుస్థిరమై
ఆచంద్ర తారార్క యశోవిభూతితో నలరారు
మా ఆంధ్రభాషా వధూటి నవనవోన్మేష పీయూషి.