ఈ దేశంలో పుట్టినందుకు గర్వించనా
ఇలాంటి దేశంలో ఉన్నందుకు తలదించుకోనా
హంతకులు నేరస్తులు పాలకులై పరిపాలించే
అభియోగాలే ఊడిగానికి అవరోధాలుగా వల్లించే //ఈ //
ప్రతిభ కన్న కులం చూసి అందలమెక్కించే
ప్రగతి కన్న పందేరమే ఆదర్శంగా భావించే // ఈ //
పదవి కోసం నగదు కోసం పార్టీలు మారిపోయే
ప్రజాసేవ ముసుగులో ప్రజాధనం దోచుకునే
అధికారం చేతిలో ఉంటే అయినవారికి పందేరం
కాదన్న వరికి కారాగారం నిత్య నరకం చూపించే // ఈ //
హత్యలు అత్యాచారాలు చేసినా తక్షణ శిక్షలు లేకుండా
ఎంతటి నేరాగాడినైనా శిక్షలు అమలుకు రాకుండా
వాదించే వేధించే సాధించే కచేరీలు వకీళ్ళు ఉన్న// ఈ //
స్వాతంత్ర్యం వచ్చి ఏడు దశాబ్దాలు గడిచినా
అన్నదాత పంటను కళ్ళంలోనే అమ్మేసుకునే
అడుగడుగునా పురుషాధిక్యంతో విఱ్ఱవీగే మేథావులున్న
ఆడదంటే అవమానాలు పరాభవాలు షరా మామూలే అన్న // ఈ //