కావాలనే మొహం చాటేసిన మొన్నట్నుంచీ
అనుక్షణం నీ ఊహల ఊసుల జ్ఞప్తి నుంచి
నా మనసు తప్పించుకోలేక వివసమౌతోంది
పుస్తకాలు తిరగేస్తున్నా మస్తిష్కంలో నీ మాటే అలుక్కుపోయిన అక్షరాల పై అదే సిరినగవు
ఒంటరిగా కూర్చుంటే తుంటరిది నీ చిరునగవు
అందరికన్నా ముందుకు నడిపే నీ వచో బిగువు
నా కోసం కాకున్నా నీ కోసం రేబవలు శ్రమిస్తా
అనుకున్నది సాధిస్తే అభ్యంతరాలు వదిలేస్తే
అనునయంగా ఆప్యాయంగా ఆదరిస్తే ఆదమరిస్తే
అదే జీవిత సాఫల్యం అదే నీ నా అంతిమ లక్ష్యం
మార్గదర్శివి నీవైతే మార్గానుగామిని నేనౌతా.