ఇదో లెక్కా
గమ్మున పడి ఉండమంటే
కిమ్మనకుండా ఏడవమంటే
ప్రారబ్దమా ప్రకృతి వైపరీత్యమా
మానవులకు ముచ్ఛెమటలు
పట్టిస్తున్న కరోనా వ్యవహారాలు
ఇంటి పట్టున ఉండాలన్నా
వంట మట్టుకు కావాలన్నా
సరుకులు సంబారాలు మందులు
పొందాలన్నా గుమ్మం దాటాలే
రోడ్డెక్కితే పోలీసుల లాఠీలు
ఇంటింటికీ అందరికీ కూరలు దినుసులు
అందించాలే గాని ఇదేం గోల
కరోనావా కాకరకాయా అన్నారే
దేనికీ ముందుచూపు లేని ఏలికలు
ప్రతిదానికీ ప్రజల ఎదురు చూపులు
తొక్క దళసరి తెలుగోడికి
ఇదో లెఖ్ఖా ఆవకాయ డొక్కా.