కొలిమి లో కాలిన చువ్వను నేను
సమ్మెట పోటులకు సాగి సాగి
కమ్మరీడు చేతిలో మలచబడ్డ
పలుగును స్వేద బిందువును నేను
నా స్వేదం నిర్వేదం కాదోయ్
నా వాదం సంవాదం కాదోయ్
ఎలుగెత్తి చెప్పలేక పోతున్నా
పలుగెత్తి బరువెత్తి చూపుతున్నా
కార్మిక కర్షక బహుజన హితైషిని
ధార్మిక ఆస్తిక జీవన పిపాసిని
శ్రమయేవ జయతే అని నమ్మిన
కర్మచారిని ఓ బాటసారిని
నా దేశం భవిత ఎక్కడుందీ అంటే
కూలివాని కండల్లో కర్మచారి చెమటల్లో
అలుపెరుగని రైతుల అరచేతిలో
ఆర్థికవేత్తల మించిన అతివల చేతుల్లో
అని ఎలుగెత్తి చెబుతున్నా.