కం.
శ్రీ లలితకు దండాలిడి
నాలుకపై పలుకులమ్మ నడయాడంగా
లోలకు జేజే పలకుచు
లోలముగా నుడివెదను తెలుగు కందములన్.1.
(లోల = లక్ష్మి ,లోలము = మిక్కిలి యాశ)
కం.
గడగడలాడించి జనత
నడి నెత్తిన నిప్పు జల్లె నలుదెస లంతన్
వెడగుపఱచిన కరోనా
చుడి మెలగవొ రాళ్ళపల్లి సుందర రామా

కం.
కనిపించని నలత యొకటి
కనిపించిన వారి నెల్ల కట్టడి జేయన్
పెను ముప్పు కరోన యన వ
చ్చును గదరా రాళ్ళపల్లి సుందర రామా.
కం.
ఆరా తీసే వారే
లేరా బాబూ 'కరోన' లేదంటే చా
ల్లేరా  చింతేలా బ
జ్జోరా రాళ్ళపల్లి సుందర రామా.2
కం.
ఎన్నాళ్ళీ గోలిట్లా
కన్నీళ్ళే కారకున్న కన్నా నీదీ
మూన్నాళ్ళైనా నీవొ
స్తున్నావా రాళ్ళపల్లి సుందర రామా.3.