తన్మే మనః శివ సంకల్పమస్తు

కాలం కలసి వచ్చినప్పుడు ఏ సమైక్యత నిచ్చావో
కాలం నిలదీసినప్పుడూ అదే సమైక్యతను నాకీయవా
సర్వకాల సర్వావస్థలలోనూ యీ మనస్సున
సర్వజన హితముగా శివసంకల్పమగు గాత.
ఏ శుభ సంకల్పంతో కార్యోన్ముఖులయ్యామో
ఆ కర్తవ్యదీక్షలో ఒడిదుడుకులను దాటించి
ప్రాప్తవ్య తీరానికి పడవను నడిపించే
ఆత్మస్థైర్యము నా మనస్సున శివసంకల్పమగు గాత.
మొక్కనాటిన మూన్నాళ్ళకే ఫలాలకోసం అఱ్ఱులు సాచే
అయోమయ దయనీయ మహనీయుల మదిలో
వెనుకడుగు లేని స్థిర చిత్తం శివసంకల్పమగు గాత.
ఉథ్థాన పతనాలకతీతంగా పయనం సాగేలా
స్వార్థపూరిత కుతంత్రాలను తక్షణమే  చిదిమేస్తూ
సంఘటిత శక్తి ప్రజ్వరిల్లగా శివసంకల్పమగు గాత