ఒంటరి జంట
ఒంటరి జంట
ఉ.
రెక్కల కష్టమున్ పొదివి రేఁబవ లొక్క విధంబుగా మహా
చక్కగ సాకి పెంచిన సుసంతు తలో దెస పొట్టకూటికై
యెక్కుడు దూర మేగ మన మెక్కడ వారి విహంగమై వడిన్
నిక్కము సాగలేక యిటనే మనయూరి శివారు నుంటిమే.
ఉ.
పండుగ పబ్బముల్ మృదుల భావ రసోచిత నేత్రపర్వముల్
నిండుగ పిల్లపాపలతొ నెల్లరు గొప్పగ సద్దు జేయుచో
మెండుగ నుండు రమ్మనుచు మేలు దలంచిన రాకపోయినన్
దండుగ పెద్ద పండుగ సుతారము నొంటరి జంట మెచ్చునే.
ఉ.
రిక్కల రేనికైన గ్రహరేనికి నైన కుటుంబ మంతయున్
ఒక్కెడ గూడినప్పుడె గృహోచిత పర్వము నయ్యెడున్ వినా
యెక్కడి వారలక్కడనె నెవ్విధి సంతస మందనోపు?నో
తక్కుడు నా విధీ! నినన తప్పని నా మన సూరడిల్లునే?
0 Comments:
Post a Comment
Subscribe to Post Comments [Atom]
<< Home